1959 May 20 AGBU-AYA Asbeds Dinner in Honor the newly registered Asbed couples,

«ՀԵԸ-ի Ասպետներու համախմբումի ճաշկերոյթը տեղի ունեցաւ Շաբաթ 20 Մայիս 1959-ին, քաղաքիս ծանօթ պանդոկներէն Պիարիցի արդիական զարդարուած սրահին մէջ: Ներկայ էին հոծ ու ընտրեալ հասարակութիւն մը ... Համադամ ճաշէն ետք խօսք առաւ Ասպետներու Վարչութեան ատենապետ Պրն. Նուպար Նազարեանը, որ բարեգալուստ մաղթեց ներկաներուն և կարգ մը շահեկան տեղեկութիւններ տուաւ Ասպետներու գործունէութեան շուրջ:...» «Ասպետները ՀԵԸ-ի համար իրենց գնած 100,000 լիբ. ոսկինոց դաշտին պարտքը գրեթէ վճարած էին, և թէ մեծ կարելիութիւն կայ մինչեւ աշնան դաշտը պարիսպով մը շրջապատելու: Այս լուրը մեծապէս խանդավառեց ներկաները: Ապա խօսք առաւ Վարչութեան ատենադպիր Պրն. Սիսակ Վարժապետեանը, որ շեշտեց հանրային կեանքի մէջ գաղափարական համոզում ունենալու անհրաժեշտութիւնը, կարենալ լաւագոյնս ծառայելու հայ ժողովուրդին, արհամարհելով բոլոր դժուարութիւնները: Կարդաց նորագիր Ասպետներու անունները, որոնք յոտնկայս ունկնդրեցին իրենց ուղղուած աւուր պատշաճի խօսքը... Գործադրուեցաւ կոկիկ յայտագիր մը: ՀԵԸ-ի պարախումբի ղեկավարներ՝ ՊՊ. Փասքալեան և Խարապեան մեծ յաջողութեամբ գործադրեցին հայկական պարեր: Օր. Սեդա Մանուկեան ապրումով մենակատարեց դասական ու երգիծական պարեր: Պրն. Աղտամեան երգեց ու արտասանեց: Օր. Խայեան բացառիկ յաջողութեամբ երգեց արաբերէն ու ֆրանսերէն երգեր...» (Khosnag 1959 May p24)