1959 May 28 AGBU-Remeil Ladies Auxiliary “Mothers Day” Celebration

«ՀԲԸՄիութեան Ռըմէյլ Թաղի Տիկնանաց և Որիորդաց Մասնաժողովը, իր երկրորդ հաւաքոյթ-հանդէսը նուիրած էր «Մայրերու Օր»ուայ տօնակատարութեապ, որ տեղի ունեցաւ 28 Մայիս, 1959 Երեքշաբթի օր, կ.ե. ժամը 5-ին, Միութեան Նահրի Քոռնիշի Ակումբին մէջ: Սրահը լեցուած էր Միութեան անդամուհիներով և համակիրներով: Օրուան Մայրն էր՝ Տիկին Խաչատուրեան: Հաւաքոյթը սկսաւ Միութեան Քայլերգով զոր դաշնակի վրայ նուապեց Օր. Մ. Ղազարեան: Ատենապետուհիին բացման գեղեցիկ ուղերձէ ետք, գործադրուեցաւ ճոխ յայտագիր մը:» «...Օրուան բանախօսն էր՝ Թէքէեան Մշակութային Կանանց Միութեան վարչութեան ատենապետուհի Օր. Լիտիա ահարոնեան որ հանգամանօրէն խօսեցաւ «Մայրերու Օր»ուան մասին, շինիչ թելադրանքներ ընելով մայրերուն»: (Khosnag 1959 Nov p25)