1958 Feb 9 AGBU Veterans General Assembly and new elected committees and Sub...

ՀԲԸՄիութեան Վեթերաններու և Բարերարներու համախմբումին Ընդհ. Անդամական Հաւաքոյթը տեղի ունեցաւ 9 Փետրուար 1958, Կիրակի, կ.ա. ժամը 10ին, Զարեհ Նուպար Ակումբին մէջ: Ներկայ էին Հարիւրէ աւելի հին և նոր վեթերաններ: Ատենապետ Հազ. Պօղոս Պէյ Թուրսարգիսեան կարդաց վարչութեան միամեայ տեղեկագիրը: Կու տանք տեղեկագրին գլխաւոր գիծերը... 1956 Հոկտեմբերին կազմուեցաւ Լիբանանի Վեթերաններու և Բարերարներու Համախմբումը...: Նշանակուեցաւ առժամեայ վարչութիւն մը՝ բաղկացած հետեւեալներէն. Հազ. Պօղոս Պէյ Թուրսարգիսեան Ատենապետ, Ասատուր Մակարեան Ատենադպիր, Գեղամ Տանձիկեան Գանձապահ, Տոքթ. Յ. Չպլագեան, Պրն. Արա Թոփճեան, Ա. Եսայեան, և Հ. Թորոսեան խորհրդականներ:» «...Ընդհանուր Անդամական Ժողովը գումարուեցաւ Վեթերաններու Տան մէջ՝ 9 Դեկ. 1956-ին նախագահութեամբ Գերշ. Խադ արք. Աջապահեանի՝ իբր պատուակալ և երիցագոյն Վեթերան:» «Կանոնագրի յօդուածները մի առ մի կարդացուեցան և վաւերացուեցան Ընդհ. Ժողովէն, ապա գաղտնի քուէարկութեամբ, և երկու տարուան շրջանի մը համար ընտրուեցաւ նոր Վարչութիւնը հետեւեալ կազմով.- Հազ. Պ. Թուրսարգիսեան Ատենապետ, Տիկ. Ա. Այվազեան Փոխ Ատենապետ, Տեարք Ա. Եսայեան Ատենադպիր, Հ. Թորոսեան Փոխ Ատենադպիր, Գեղամ Տանձիկեան Գանձապահ, Տոքթ. Յ. Չպլաքեան և Արա Թոփճեան խորհրդականներ...» «...Նորընտիր Վարչութիւնը իր անմիջական մտահոգութեան առարկան ըրաւ երկու Յանձնախումբերու կազմութիւնը, մէկը Փրոփականտի իսկ միւսը Կտակներու ...կազմեց հետեւեալ կազմով... Ա. Փրոփականտի Յանձնախումբ՝ Պօղոս Թուրսարգիսեան Ա-Պետ, Ներսէս Շիրինեան Ա-դպիր, Ա. Մակարեան, Լեւոն Հաւլուճեան, Լեւոն Քէօսէեան, Արմենակ Ճանճանեան և Տիկ. Գրիսէփ Յովսէփեան խորհրդականներ»: «Կտակներու Յանձնախումբ՝ Տեարք Թագւոր Փալանճեան Ա-պետ, Տիկ. Հայկուհի Թորոսեան Ա-դպիր, Մեթր Հ. Շամլեան, Հազ. Պ. Թուրսարգիսեան, Տոքթ. Յ. Չպլաքեան, Տիկ. Անգինէ Տանձիկեան Տիար Աբր. Եսայեան խորհրդականներ...» «...Ուրախութեամբ կ'արձանագրենք որ Շրջ. Յանձնաժողովը սիրով իւրացուց թերթ մը հրատարակելու գաղափարը, և իր հովանաւորութեան տակ 1957 Սեպտեմբերին լոյս տեսաւ ԽՕՍՆԱԿ, որուն հրատարակման իբր նախնական ծախք տրամադրեց 500 լ. ոսկի: ԽՕՍՆԱԿ ունի իր յատուկ Վարչութիւնը նշանակուած Պատ. Յանձնաժողովին հողմէ հետեւեալ կազմով. Հազ. Պօղոս Պէյ Թուրսարգիսեան Ա-պետ, Ասատուր Մակարեան Ա-դպիր, Յակոբ Թորոսեան Գ-պահ, Արա Թոփճեան և Սիսակ Վարժապետեան Խորհրդական»: «Առաջին բացառիկ թիւին խմբագրութիւնը վարեց Պրն. Օննիկ Սարգիսեան, իսկ Բ. թիւէն սկսեալ խմբագրութիւնը կը վարէ Պրն. Յակոբ Թորոսեան: Լոձս տեսած է արդէն չորրորդ պրակը.....»: (Khosnag 1958 Fed p12-15)