AGBU B.K. Garmirian school Entrance

ՎԵՐԱՄՈՒՏ Պօղոս Գ. Կարմիրեան միջնակարգ վարժարանի, 2015-2016 տարեշրջանի վերամուտը տեղի ունեցաւ Երկուշաբթի , 25 Սեպտեմբեր 2015 –ին : Ամառնային երեք ամսուան արձակուրդէն ետք, վարժարանիս բակը, հետզհետէ խճողուեցաւ հին եւ նորեկ աշակերտներով, որոնց աղմուկը խանգարեց խաղավայրին երեք ամսուան անդորրութիւնը: Ուսումնական տարեմուտի առաջին զանգը հնչեց, աշակերտները արտորանքով շարուեցան, Տէրունական աղօթքը աղօթելէ եւ Հ.Բ.Ը. Միութեան քայլերգը երգելէ ետք, բարձրացան սրահ: Սրահը զիրենք դիմաւորեց վարժարանիս Տնօրէնուհի՝ Տիկին Մարալ Պալեօզեանը, որ բարի վերադարձ մաղթելէ ետք, ողջունեց առաջին դասարանի աշակերտները եւ յաջողութիւն ու փայլուն արդիւնքներ մաղթեց Թ. կարգի աշակերտներուն: Ապա անդրադարձաւ դպրոցին դաստիարակչական եւ կարգապահական օրէնքներուն :