AYA Scout Veteran's "Pilgrimage to Ayntoura"

ՈՒԽՏԻ ԵՒ ԵՐԱԽՏԱԳԻՏՈՒԹԵԱՆ ԱՅՑԵԼՈՒԹԻՒՆ ԴԷՊԻ ԱՅՆԹՈՒՐԱ ԵՒ ՃԻՊԷՅԼ On Sunday , 10 May 2015 , a pilgrimage was organised by the AGBU AYA Veterans Scouts of Lebanon with the participation of leaders ,over 200 members and the AYA Marching Band to College St. Joseph Aintoura to the Memorial Khatchkar and the tomb of the Armenian Orphans who died during the years 1915 - 1918 victims of the "turkification" that was executed in this orphanage under the authority of the Ottoman commander Jemal Pasha. Also a tribute visit to the tomb of the Danish missionary Maria Jacobsen in Jbeil, who dedicated all her life to helping, feeding, providing shelter and all necessary care to thousands of Armenian orphans who called her "MAMA". Her tomb is found in the "Birds Nest" Jbeil. Երախտագիտական արտայայտութեան դրսեւորում մըն էր Կիրակի, 10 Մայիս 2015-ին, Հ.Բ.Ը.Մ-Հ.Ե.Ը. Վեթերան Սկաուտներու Համախմբումին դէպի Այնթուրա եւ Ճիպէյլ՝ Թռչնոց Բոյն կազմակերպած ուխտագնացութիւնը: Հարիւրամեակի առիթով Հ.Բ.Ը.Մ.-Հ.Ե.Ը.-ի Վեթերան Սկաուտներու Համախմբումին կազմակերպած ուխտագնացութիւնը դէպի Այնթուրա,առիթ մը եղաւ վերյիշելու Այնթուրայի որբանոցը ապաստանած հայ որբերուն դաժան ճակատագիրը: Մայտա Քիւրեճեան պատմեց, թէ Առաջին Համաշխարհային պատերազմի ընթացքին, երբ վանքը կ'անցնի օսմանեան տիրապետութեան տակ, Ճեմալ Փաշա, հայ որբերը իրենց ազգային ինքնութենէն զրկելու նպատակով, կը փորձէ բռնի իսլամացնել եւ թրքացնել զանոնք: Ընդդիմացող մանուկները կ'ենթարկուէին տարբեր պատիժներու՝ ծեծ, զրկանք, սովամահութիւն: Այնթուրայի վարդապետները պահպանած են իսլամացած հայ որբերուն անուանացանկը: Հ.Բ.Ը.Մ.-Հ.Ե.Ը.-ի փողերախումբին կատարողութեամբ, յաջորդաբար Լիբանանի, Հայաստանի, Հայկական Բարեգործական Ընդհանուր Միութեան եւ Հայ Երիտասարդական Միութեան քայլերգներուն կատարումէն ետք, ներկաները աղօթեցին նահատակ որբերու հոգիներուն: Յանուն Հ.Բ.Ը.Մ.-Հ.Ե.Ը. վեթերաններուն ծաղկեպսակ մը զետեղուեցաւ որբերուն յիշատակին տեղադրուած խաչքարին առջեւ: Հոգեպարար այս արարողութենէն ետք, օթոպիւսները ուղղուեցան Ճիպէյլ՝ Թռչնոց Բոյն: Վեթերան Սկաուտներու Համախմբումին անունով ծաղկեպսակ մը զետեղուեցաւ հայ որբերու Մայր՝ Մարիա Ճաքոպսընի դամբարանին վրայ: