1958 Mar 8 AGBU and AYA Tripoly chapter Operet Performance in Freres School Hall

« ՀԲԸՄիութեան Լիբանանի մասնաճիւղերուն մէջ, Թրիփոլիի զոյգ մասնաճիւղերը իրենց ամսական գծուած գործունէութեան ծրագիրներով, կը ներկայանան իբր ամէնէն գործօն մասնաճիւղերը, իրենց այլազան ձեռնարկներով, սերտ գործակցութեամբ ՀԵԸնկերակցութեան» «...ՀԲԸՄի և ՀԵԸի Ակումբին Ընկերային Յանձնախումբի անխոնջ աշխատանքով էր որ՝ Պերճ Պրոշեանի Սօս և Վարդիթեր Օփերէթը ներկայացուեցաւ Թրիփոլիի Ֆրէրներու վարժարանի ընդարձակ և շքեղ սրահին մէջ, 8 Մարտ 1958ին, Շաբաթ երեկոյ ժամը »-ին, աննախընթաց յաջողութեամբ մը: Ընդարձակ սրահը ծայրէ ծայր լեցուած էր: Ներկայացման ղեկավարն էր դերասան Պրն. Պօղոս Մենտիլեան, իսկ դերակատարներուն մաքիաժի գործը ստանձնած էր Պէյրութէն յատկապէս հրաւիրուած Պրն. Կայծակ Գնդունի: Յուշարարի դերը ստանձնած էր Պրն. Վարդան Պագալեան, որ նոյն ատեն տուաւ օփերէթին բացատրութիւնը:» «...Սօս և Վարդիթեր կը ներկայացնէ հայ ծնողներու վաղեմի ըմբռնումը և սովորութիւնները՝ ընտանեկան բարքերու և ամուսնութեան մասին, Կովկասի տեղական բարբառով...» «Օփերէթին մէջ Սօսի դերը ստանձնած էր երիտասարդ երգիչ Արա Ստեփանեան, որ տիրական և գրաւիչ ձայնով, երգով և խաղարկութեամբ սրահը պահեց իր ազդեցութեան տակ: Վարդիթերի դերը ստանձնած էր Օր. Աղաւնի Կիւլկիւլեան որ հակառակ նորեկ մը ըլլալուն, իր դերը տարաւ յաջողութեամբ, մանաւանդ հոգեվարքի տանջալից պահերուն... Գարեգինի դերը կատարեց դերասան Պրն. Պօղոս Մենտիլեան, յաջողապէս... Վարդիթերի հօր դերը ստանձնած էր Պրն. Յ. Պօզոյեան...Վարդիթերի մօր դերը կատարեց Որ. Անահիտ Նաճարեան...Պրն. Փայլակ Ահարոնեան ստանձնած էր Վարդիթերի եղբօր դերը, զոր կատարեց համարձակութեամբ...Օր. Զապէլ Խիւտավերտեան՝ Գարեգինին Քոյրը...իսկ Միսակ Արապեան Արշաւիրի եղբօր Տիրանի դերով.... Ներկայացումը որ տեւեց աւելի քան երկու ժամ.... խանդավառութիւնը մնաց մինչեւ վերջ...» (Khosnag 1958 Feb p21)