1954 Mar13 AGBU-Nor Adana chapter Ladies Auxiliary Theatrical performance

«ՀԲԸՄիութեան Ատանա թաղի Մասնաճիւղը, օժանդակութեամբ Տիկնանց և Օրիորդաց Մասնաճիւղին, սարքեց Թատերական երեկոյթ մը, որ տեղի ունեցաւ 13 Մարտ 1954 Շաբաթ երեկոյ, Նահրի Սահակեան Բարձր. Վարժարանի ընդարձակ սրահին մէջ, երկսեռ անդամուհիներու և բարեկամներու խուռն բազմութեան մը ներկայութեան: Երեկոյթին նախագահութիւնը յանձնուած էր Տէր և Տիկ. Մ. Պաղչէճեանի: Ներկայ էին Անդր-Նահրի Մասնաճիւղերու երկսեռ անդամներ եւս, ինչպէս նաեւ Գործիչ-Կրթ. Քննիչ Պրն. Ասատուր Յ. Մակարեան: Մասնաժողովի Ատենապետ և Միութեանս Յովակիմեան-Մանուկեան Մանչերու երկր. Վարժարանի Ուսուցիչ՝ Պրն. Երուանդ Կրպոյեանի բացման խօսքերէն յետոյ, սկսաւ թատերական բաժինը»: Ներկայացուեցաւ Նոր Ատանայի Մասնաժողովի Ատենադպիր Պրն. Դաւիթ Յ. Էվերէկլեանի «Մռայլ Կեանքեր» խորագրով երկը: Ներկայացման մասնակցեցաւ հեղինակը, իր ազնիւ տիկնոջ՝ Տիկ. Բերկրուհիի և իր մանկատի աղջկան Թերէզ Էվերէկլեանի, ինչպէս նաեւ սիրողներու խումբի մը հետ, բաղկացած՝ Հ. Շիրինեանէ, Գ. Փանոսեանէ, Յ. Չէրքէզեանէ և Ղ. Աբոյեանէ: Յուշարարն էր Պրն. Գ. Էվերէկլեան, իսկ ծպտումները յաջող կերպով կատարած էր Պրն. Պ. Կիրակոսեան: Ընդհանուր կերպով ներկայացումը անցաւ յաջող...» (1954 May Miout n302p32)