1954 May 2 AGBU Tarouhy and Hovagimian schools joint choir concert conduct by H Berberian in St Joseph University Concert Hall

«...Կիրակի, 2 Մայիս 1954-ին, ՀԲԸՄիութեան Դարուհի Յակոբեան Աղջկանց և Յովակիմեան-Մանուկեան Մանչերու Երկրորդական Վարժարաններու երգչախումբը իր յաջող Երգահանդէսով գեղարուեստական նոր վայելք մը եւս պարգեւեց Պէյրութահայութեան, Սէն Ժոզէֆ Համալսարանի հանդիսասրահին մէջ: Յայտագիրը ճոխացած էր Հայերէն, արաբերէն, անգլերէն և ֆրանսերէն նոր երգերով և գործադրուեցաւ անթերի յաջողութեամբ: Սրահը լեցուած էր հոծ բազմութեամբ, որոնց մէջ լիբանանեան և օտար պաշտօնական անձնաւորութիւններ, մամուլի ներկայացուցիչներ: Համալսարանի Վարիչ հայր Շամուս, երեսփոխան Ժոզէֆ Չատէր, Հ. Յ. Մըսըրլեան, Միութեան զանազան Մարմիններու ներկայացուցիչներ և ուրիշներ: Երգչախումբի ղեկավարն էր հանճարեղ երգահան և խմբավար Համբարձում Պէրպէրեան, ինչ որ արդէն գրաւական մը կրնար նկատուիլ երգերու յաջող կատարումին համար...» «Համալսարանի Ֆրանսացի Վարիչը, ի պատասխան մեր հարցումին, իր սքանչացումը յայտնեց հայերէն երգերու թողած տպաւորութեան. Յայտնի է թէ ըսաւ, անոնք կուգան սրտի խորերէն...Ժողովուրդի բուժն փափաքին վրայ կրկնուեցան հետեւեալ երգերը.- Կաքաւ եմ, Արարատեան Հովիտի Երգ, Հունձք, Նեշիտ Թըլապ էր Արապ և Տերիկօ Ջան....»(1954 AMiout Aug n305p31)