1957 Apr 28 AGBU 50th Anniversary First Dinner in Hotel Bristol

« ՀԲԸՄիութեան Յիսնամեայ Ոսկեայ Յոբելեանին առիթով սարքուած, առաջին Պատուոյ Ճաշկերոյթը տեղի ունեցաւ 28 Ապրիլ 1957-ին, համախմբելով շուրջ 200 ազգայիններ, Միութեան Շրջ. Յանձնաժօղովի Յոբելենական Յանձնախումբի անդամներ և այլ անձնաւորութիւններ: Ն.Վ. Վարչապետ Սամի Սոլհի հիւանդութեան պատճառով ներկայ էր իր քարտուղարը»: «... Հաւաքոյթի ընթացքին ելոյթ ունեցան Գրագիտուհի Տիկին Սեզա, Բանաստեղծ Վահէ-Վահեան, Փրոֆ. Բ. Թովմասեան, Դոկտ. Բերկրուհի Նաճարեան և Հազարապետ Պօղոս Պէյ Թուրսարգիսեան ....» «Իրենց գեղարուստական ելոյթներով ճաշկերոյթը համեմեցին Տոքթ. Է. Էլմաճեան... Պ. Ֆազլեան և Կ. Կիւլպենկեան ...» «Օրուան ամենահաճելի անակնկալը եղաւ, երբ Ն.Վ. Վարչապետին քարտուղարը Լիբանանի Արժանեաց Ա. կարգի շքանշանով պատուեց Շրջանային Յանձնաժողովի Ատենապետ Տիար Երուանդ Տեմիրճեանը և Ատենադպիր Փրոֆ. Բարունակ Թովմասեանը, առաջինը՝ իր բարեսիրական, իսկ երկրորդը կրթական մարզի մէջ ցուցաբերած ծառայութեանց փոխարէն: Կարգը երբ եկաւ նուիրատուութեան, ամէնուն ալ սիրտերն ու քսակները արդէն պատրաստ էին: Նախ յայտարարուեցաւ Տիար Տեմիրճեանի 100,000 Լիբ. ոսկիի իշխանական նուիրատուութիւնը՝ սեփական վարժարանի մը կառուցման համար, որ ընդունուեցաւ բուռն ծափերով: Այս կարճ ժամանակի մը մէջ հանգանակուեցաւ 45,000 Լիբ. ոսկի, ընդհանուր գումարը բարձրացնելով 145,000-ի» (Khosnag 1957 Sep p31-32)