22 Nov 1951 · Education
1951 Nov 22 Lebanon Independent Day joint celebration AGBU Tarouhy Hagopian and Hovagimian-Manougian
1951 Nov 22: Lebanon Independent Day joint celebration AGBU Tarouhy Hagopian and Hovagimian-Manougian. The following students participated in the program: O. Yahneyan, S. Minasian, Cecile Tavitian. Science Teacher Miss N. Majdalany, Arabic Literature Teacher Mr. A. Khalife, and the school Principal Mr. Ardashes Sarkisian had their words about the Lebanese Independence odyssey.
« Այս տարի ՀԲԸՄիութեան Դարուհի Յակոբեան Աղջկանց Բարձր. Վարժարանի և Մանչերու Երկր. Վարժարաններու Տնօրէնութեանց նախաձեռնութեամբ, միասնաբար տօնուեցաւ Լիբանանի անկախութեան տարեդարձը, որ կը զուգադիպի 22 Նոյեմբերին: Հանդէսը տեղի ունեցաւ Դարուհի Յակոբեան սրահին մէջ: Սրահին ճակատը զարդարուած էր Ն.Վ. Շէյխ Պշարա էլ Խուրիի մեծադիր նկարով և Լիբանանեան դրօշներով: Բացի զոյգ վարժարաններու աշակերտութիւնէն, ներկայ էին նաեւ Պետ. Կրթ. Քննիչ Պրն. Մկրտիչ Իսկէնտէրեան, ՀԲԸՄիութեան զանազան մարմիններու ներկայացուցիչներ, բազմաթիւ ուսուցիչ-ուսուցչուհիներ և ժողովուրդ: Արաբերէն հայրենասիրական յաջող արտասանութիւններ ըրին սանուհի Ո. Եահնէեան և սան Ս. Մինասեան: Դաշնակի վրայ ընտիր կտոր մը նուագեց Սեսիլ Դաւիթեան: Հերթով խօսք առին Դ. Յակոբեանի գիտութեան ուսուցչուհի Օրդ. Ն. Մաժտալանի և Մանչ. Երկրորդական Վարժարանի արաբերէնի ուսուցիչ Պրն. Ա. Խալիֆէ, որոնք ամփոփ կերպով ներկայացուցին օրուան տօնին իմաստը: Պրն. Արտաշէս Սարգիսեան թուեց լիբանանցի ժողովուրդին թափած ջանքերը, թօթափելու համար բռնակալութեան լուծը, ինչպէս հայ ժողովուրդը, և շնորհակալութիւն յայտնեց Լիբանանի վեհանձն Կառավարութեան, որ ճգնաժամային վայրկեանի մը ասպնջականութիւն շնորհեց տարագիր հայութեան:» «...Հանդէսէն ետք ներկաները հիւրասիրուեցան թէյով և կարկանդակով: Հուսկ յետոյ զոյգ Վարժարաններու Տնօրէնութեանց և ուսուցչական կազմերու կողմէ խմբագրուեցաւ շնորհաւորական հեռագիր մը, Ն.Վ. Կրթ. Նախարար Էմիլ Պէկ Լահուտի միջոցաւ փոխանցուելու համար Հանրապետութեան Նախագահին: Ն.Վ. Կրթ. Նախարարը հետեւեալ բառերով պատասխանած է զոյգ Տնօրէնութեանց.- «Շնորհակալութիւնս ձեզի, սաներու և սանուհիներու, ձեր ազնիւ զգացումներուն համար, հանդէպ Լիբանանի և իր Նախագահին, անկախութեան տարեդարձին առիթով: Կը մաղթեմ ձեզի և ձեր վարժարաններուն տեւական յառաջդիմութիւն և յարատեւ յաջողութիւն: ԷՄԻԼ ԼԱՀՈՒՏ Լիբանանի Կրթական Նախարար: (1952 Feb Miout n275p57)
Source documents
Provenance
📄 1952 Feb Miout n275p57