1952-1953 AGBU Powder milk distribution

« ՀԲԸՄի Լիբանանի Շրջ. Յանձնաժողովի տեղեկագրին համաձայն՝ 1952-1953 տարեշրջանին փոշի կաթի բաշխումը եղած է հետեւեալ կերպով (Տես կցեալ զոյգ էջերը): ՀԲԸՄիութեան Նիւ Եորքի Կեդրոնէն ղրկուած չորս թօն փողի կաթի բաշխումը եղած է հետեւեալ կերպով.- 100 թիթեղ, իւրաքանչիւր 25 քիլօ, (2475 Քիլօ) յատկացուած է Լիբանանի 52 հայ կրթական հաստատութեանց՝ տկար ու չքաւոր աշակերտներուն ամէն առաւօտ գաւաթ մը տաք կաթ բաշխուելու համար: Իւրաքանչիւր վարժարան, իր պայմաններուն համաձայն, կազմակերպած է կաթի բաշխման գործը ուսուցիչներու և տնօրէններու հսկողութեան տակ, և Միութեան Գործիչ-Կրթական Քննիչ Ասատուր Մակարեանի հակակշռին ենթակայ: Միութեանս Լիբանանի Մասնաճիւղերուն և կարգ մը այլ թաղերու յատկացուած 1525 քիլօ կաթի բաշխումը կատարուած է Մասնաժողովներու տիկիններուն և Օրիորդներուն միջոցաւ, որոնք նախապէս մանրակրկիտ քննութեամբ պատրաստած էին չքաւոր ու հիւանդ ծերերուն և ծծկեր երախաներուն անոնց մայրերուն անուանացանկը: Պէյրութի և Զահլէի դարմանատուներուն պարագային ծծկեր մանուկներ և անոնց նիհար մայրերը Միութեանս Դարմանատան բժիշկին կողմէ քննուելէ յետոյ, ամէն ամիս դարմանատուն կը երկայաան և կառնեն կաթի իրենց բաժինը, կանոնաւոր կերպով»: (Mioutiou1953 Sep n294p24)