1956 Nov 18 AGBU 50th Anniversary in UNESCO Hall …..:

«Աննախընթաց Տօնակատարութիւն Պէյրութի Իւնեսքոյ Պալատին մէջ» ... ՀԲԸՄիութեան Ոսկեղէն Յոբելեանը արժանավայել շուքով տօնուեցաւ Իւնեսքոյի պալատի ընդարձակ սրահին մէջ, 18 Նոյեմբեր 1956-ին: «... Հոն էին ՀԲԸՄիութեան բոլոր Մարմինները, Եգիպտոսի Կեդր. Յանձնաժողովի Ատենապետ Տոքթ. Սողիկեան Պէյ, նախարարներ, երեսփոխաններ, լիբանանեան զանազան կազմակերպութեանց ներկայացուցիչներ, Լիբանանեան, Ամերիկեան և Ֆրանսական Համալսարաններու ներկայացուցիչներ կուսակցապետեր, բազմաթիւ թղթակիցներ» «Հանդէսը կը վարէր ՀԲԸՄի Լիբ. Շրջ. Յանձնաժողովի Ատենադպիր Փրոֆ. Բ. Թովմասեան:... Կրթ. Յանձնախումբի Ատենապետուհի Դոկտ. Բ. Նաճարեան իր բացման խօսքով շնորհակալութիւն յայտնեց Կրթական Նախարար Ֆուատ Պէյ Ղոսնի, Յոբելենական Յանձնախումբին և անոր Ատենապետ Հազարապետ Պօղոս Պէյ Թուրսարգիսեանի և ապա համառօտ կերպով պարզեց Մեծ Հայուն՝ Պօղոս Նուպարի գործին մեծութիւնը: Մեթր Հր. Շամլեան և Մեթր Ն. Թուրսարգիսեան արաբերէնով ներկայացուցին ՀԲԸՄիութեան յիսնամեայ գործունէութիւնը ընդհանրապէս և Լիբանանի մէջ մասնաւորապէս: Հանդէսին երկրորդ մասը սկսաւ Վահէ Վահեանի բանախօսութեամբ ... Երկրորդ բանախօսն էր սիրուած գրագիտուհի Տիկին Սեզա ... Գասպար Տէրտէրեան զգայուն շեշտով արտասանեց Զարեհ Մելքոնեանի «Ձօն»ը՝ ՀԲԸՄի Յիսնամեակին: Ապա զոյգ Վարժարաններու երգչախումբը երգեց Կ. Զաքարեանի «Կաքաւ Եմ», քառաձայն ...» (Khosnag 1957 Sep p27-30)